لطفاً کورماق اوچون عکس گه باسینگ
| اوزبیگ تیلی، اون توردینچی درس |
|
|
|
اؤزبیک تیلینی اؤرگنیلیک درسنامه سؤزباشیده کیله دیګن اؤزبیکچه اونلیلرو«ay»،«Y» تاوشلری نینگ عرب یازویده افاده له نیشی
E اونلیسی سؤز اؤرته سیده کیلگنده ئ شکلیده یازیله دی. بیت-روی،تیر-عرق کبی.
لـیکسیکـولوژی
(سؤز حقیده گی تعلیمات) (۱۴) اؤزلشگن قتلم فارسی سؤزلر فارس- دری تیلیدن اؤزبیک تیلیگه اؤزلشتیریلگن سؤزلرنینگ سانی انچه گینه. بوباره ده(افغانستناده گی اؤزبیک تیلی بؤییچه) بیرار- بیرعلمی تدقیقات إیشی آلیب باریلمه گونگه قدر، انیق مقدارخصوصیده قطعی فکرائتیب بؤلمیدی.چؤتکی قیلیب ائتگنده،اؤزبیک تیلیگه اؤزلشگن سؤزلرنینگ کمیده، 25%دن کؤپراغینی فارسی سؤزلرتشکیل بیریشی ممکن. فارسی سؤزلرنینگ اؤزیبک تیلیگه کیریب کیلیشیگه قؤییده گی عامللر سببچی بؤلگن: - اؤزبیک وتاجیک خلقلری نینگ بیر حددوده، بیر خیل سیاسی،اجتماعی شرایطده یه شب کیلیشی، - إیککی خلق اؤرته سیده اوزاق ادبی،مدنی مشترکلیک رابطه لری؛ - اؤزبیک کیشیلری نینگ فارس- دری تیلیده بی ملال سؤزله شه آلیشی؛ - إیککی تیللی لیک ایجادی عنعنه لری؛ - قؤشنیچیلیک وائریم قرینداشلیک رشته لری؛ - فارس- دری تیللریده مکتب،معارف،دیوان ومدیریت إیشلری نینگ رونقی تاپگنی؛ یؤقاریده سنه لگن عامللرباعث فارس- دری تیلیدن اؤزبیک تیلیگه کتته مقدارده سؤزلراؤزلشتیریلگن کؤره میز. آلینگن بونده ی لغوی بیرلیکلر سؤزتورکوملری بؤییچه آلـــــــــــیب قره لــــــگـــــــنده : - آتلر(گل،گلستان،درخت،برگ،پخته(اؤزبیکچه سی- ماموق)،دروازه،دریچه،هنر، کار،کارگر،دهقان،لاله زار،بهار،خزان،سودا،دوکان،تراشه،کمر،زین و باشقه لر). - صفتلر(بلند،دراز،کوتاه،بد بؤی،خوشبؤی،نازک،باریک،برابر،کم،برده بار ،آهسته،بیمزه ، بیغم، بختیار، لبریز،میگون،تلخ،شیرین،تازه وباشقه لر)، - روشلر(ناگهان،دؤستانه،ازبرای ،تیز،غیرتمند،قهرمانانه،جسورانه،هیچ،پیاده،آزار، برادرانه و باشقه لر)، - باغلاوچیلر(مگر،اگر،چونکی،یاکی،هم،گرچه،یا،گاه،دم،خواه،نخات،یا،تاکی،خودو باشقه لر)، - یوکلمه لر(چی،خودَی،گویا،)، - مدل سؤزلر(چنانچه،بنابرین) شکلیده اوچره یدی. فارس- دری تیلیدن اؤزلشگن سؤزلرنینگ ائیریم خصوصیتلری: - سؤزآخریده اونداش تاووشلرنینگ کیتمه - کیت کیله ویریشی (بخت،درخت،بلند،مانند،قند،دست، پست) - کوچسیزلبلنگن“o”اونلیسی برچه سؤزبؤغینلریده قؤلـله نه دی.آبادان،سیراب، توده،باران،دندان وگریان، میدان،نالان وباشقه لر. شونی قید قیلیش کیره کی،فارس- دری سؤزلری اؤزبیک تیلیگه شونچه لی اؤزله شیب کیتگنکی، اولرنی عادی قره گنده اجره تیب بؤلمیدی.اؤزبیک تیلگه اؤزلشگن فارسی سؤزلرهم بیرقدرتازه له نیشنی طلب قیله دی.اؤزلشگن سؤزلرعادتده تیل نینگ احتیاجیگه قره ب آلینه دی.ائریم پیتلرده تیلیمیزده موجود سؤزلرگه قره می،اؤزگه تیللردن سؤزاؤزلشتیریله ویره دی. بونده کؤپراق تکراردن قاچیش،ومعناداش سؤزلرگه یوزله نیش حادثه سی یوز بیره دی. اؤزبیک تیلیده گی ائریم سؤزلرنینگ املاسی ناتؤغری تؤغری منبع اییریگه ایریگه ویبلگچیلر یمان یامان +++++ یاشیرگین یشیرگین +++++ اوغری اؤغری +++++ اولترگن اؤتیرگن +++++ سناو سیناو ++++ تطبیق لش تطبیق قیلیش +++++ یاتر خانه یاتاق خانه +++++ اؤزبیکی اؤزبیکچه +++++ کوچه نیش کوچه یش +++++ کوچه نسک کوچه یسک +++++ کوچه نه سیز کوچه یه سیز +++++ کینگاشی کینگـــَش +++++ اوزبیگ اؤزبیک +++++ اورغوله گن اورغوبیردی +++++ هوایی هجوملر هواهجوملری +++++ توی تؤی +++++ سونگی سؤنگگی +++++ کیرک کیره ک ++++ بوله یاتگان بؤله یاتگن ++++ قشاق قششاق ++++ ایسلتمه: خطالربارگن سری کمه یب بارماقده. بوبیرقونرلی ایجابی اؤزگریش البتته.ائریم عزیزلریمیزاؤزبیک تیلیده گی کیلیشیکلر(نینگ،نی،دن،گه،ده)نی ناتؤغری قؤلــله یدیلر. شونینگ دیک شخص- سان قؤشیمچه لرینی(بیرلیک وکؤپلیکده)تؤغری قؤلــله شده خطاگه یؤل قؤیه دیلر.وینه بیرنیچه ناتؤغری اؤرینلربار اؤز بحثیده گپریشگه حرکت قیله میز.
|
||||||||||||||||||||||||||||||||
